॥ श्रीकालभैरवाष्टकम् ॥
देवराजसेव्यमानपावनांघ्रिपङ्कजं व्यालयज्ञसूत्रमिन्दुशेखरं कृपाकरम् ।
नारदादियोगिवृन्दवन्दितं दिगंबरं काशिकापुराधिनाथकालभैरवं भजे ॥ १॥
भानुकोटिभास्वरं भवाब्धितारकं परं नीलकण्ठमीप्सितार्थदायकं त्रिलोचनम् ।
कालकालमंबुजाक्षमक्षशूलमक्षरं काशिकापुराधिनाथकालभैरवं भजे ॥ २॥
शूलटंकपाशदण्डपाणिमादिकारणं श्यामकायमादिदेवमक्षरं निरामयम् ।
भीमविक्रमं प्रभुं विचित्रताण्डवप्रियं काशिकापुराधिनाथकालभैरवं भजे ॥ ३॥
भुक्तिमुक्तिदायकं प्रशस्तचारुविग्रहं भक्तवत्सलं स्थितं समस्तलोकविग्रहम् ।
(स्थिरम्) विनिक्वणन्मनोज्ञहेमकिङ्किणीलसत्कटिं (निक्वणन्) काशिकापुराधिनाथकालभैरवं भजे ॥ ४॥
धर्मसेतुपालकं त्वधर्ममार्गनाशकं (नाशनं) कर्मपाशमोचकं सुशर्मदायकं विभुम् ।
स्वर्णवर्णशेषपाशशोभितांगमण्डलं (केशपाश, निर्मलं) काशिकापुराधिनाथकालभैरवं भजे ॥ ५॥
रत्नपादुकाप्रभाभिरामपादयुग्मकं नित्यमद्वितीयमिष्टदैवतं निरंजनम् ।
मृत्युदर्पनाशनं करालदंष्ट्रमोक्षदं (भूषणं) काशिकापुराधिनाथकालभैरवं भजे ॥ ६॥
अट्टहासभिन्नपद्मजाण्डकोशसंततिं दृष्टिपातनष्टपापजालमुग्रशासनम् ।
अष्टसिद्धिदायकं कपालमालिकाधरं काशिकापुराधिनाथकालभैरवं भजे ॥ ७॥
भूतसंघनायकं विशालकीर्तिदायकं काशिवासलोकपुण्यपापशोधकं विभुम् ।
(काशिवासि) नीतिमार्गकोविदं पुरातनं जगत्पतिं काशिकापुराधिनाथकालभैरवं भजे ॥ ८॥
॥ फलश्रुतिः ॥
कालभैरवाष्टकं पठंति ये मनोहरं ज्ञानमुक्तिसाधनं विचित्रपुण्यवर्धनम् ।
शोकमोहदैन्यलोभकोपतापनाशनं (लोभदैन्य) प्रयान्ति कालभैरवांघ्रिसन्निधिं नरा ध्रुवम् ॥
(ते प्रयान्ति कालभैरवांघ्रिसन्निधिं ध्रुवम् ॥)
॥ इति श्रीमत्परमहंसपरिव्राजकाचर्यस्य
श्रीगोविन्दभगवत्पूज्यपादशिष्यस्य
श्रीमच्छङ्करभगवतः कृतौ श्री कालभैरवाष्टकं सम्पूर्णम् ॥
દેવરાજસેવ્યમાનપાવનાંઘ્રિપઙ્કજં
વ્યાલયજ્ઞસૂત્રમિન્દુશેખરં કૃપાકરમ્ .
નારદાદિયોગિવૃન્દવન્દિતં દિગંબરં
કાશિકાપુરાધિનાથકાલભૈરવં ભજે .. ૧..
ભાનુકોટિભાસ્વરં ભવાબ્ધિતારકં પરં
નીલકણ્ઠમીપ્સિતાર્થદાયકં ત્રિલોચનમ્ .
કાલકાલમંબુજાક્ષમક્ષશૂલમક્ષરં
કાશિકાપુરાધિનાથકાલભૈરવં ભજે .. ૨..
શૂલટંકપાશદણ્ડપાણિમાદિકારણં
શ્યામકાયમાદિદેવમક્ષરં નિરામયમ્ .
ભીમવિક્રમં પ્રભું વિચિત્રતાણ્ડવપ્રિયં
કાશિકાપુરાધિનાથકાલભૈરવં ભજે .. ૩..
ભુક્તિમુક્તિદાયકં પ્રશસ્તચારુવિગ્રહં
ભક્તવત્સલં સ્થિતં સમસ્તલોકવિગ્રહમ્ . (સ્થિરમ્)
વિનિક્વણન્મનોજ્ઞહેમકિઙ્કિણીલસત્કટિં (નિક્વણન્)
કાશિકાપુરાધિનાથકાલભૈરવં ભજે .. ૪..
ધર્મસેતુપાલકં ત્વધર્મમાર્ગનાશકં (નાશનં)
કર્મપાશમોચકં સુશર્મદાયકં વિભુમ્ .
સ્વર્ણવર્ણશેષપાશશોભિતાંગમણ્ડલં (કેશપાશ, નિર્મલં)
કાશિકાપુરાધિનાથકાલભૈરવં ભજે .. ૫..
રત્નપાદુકાપ્રભાભિરામપાદયુગ્મકં
નિત્યમદ્વિતીયમિષ્ટદૈવતં નિરંજનમ્ .
મૃત્યુદર્પનાશનં કરાલદંષ્ટ્રમોક્ષદં (ભૂષણં)
કાશિકાપુરાધિનાથકાલભૈરવં ભજે .. ૬..
અટ્ટહાસભિન્નપદ્મજાણ્ડકોશસંતતિં
દૃષ્ટિપાતનષ્ટપાપજાલમુગ્રશાસનમ્ .
અષ્ટસિદ્ધિદાયકં કપાલમાલિકાધરં
કાશિકાપુરાધિનાથકાલભૈરવં ભજે .. ૭..
ભૂતસંઘનાયકં વિશાલકીર્તિદાયકં
કાશિવાસલોકપુણ્યપાપશોધકં વિભુમ્ . (કાશિવાસિ)
નીતિમાર્ગકોવિદં પુરાતનં જગત્પતિં
કાશિકાપુરાધિનાથકાલભૈરવં ભજે .. ૮..
.. ફલશ્રુતિઃ ..
કાલભૈરવાષ્ટકં પઠંતિ યે મનોહરં
જ્ઞાનમુક્તિસાધનં વિચિત્રપુણ્યવર્ધનમ્ .
શોકમોહદૈન્યલોભકોપતાપનાશનં (લોભદૈન્ય)
પ્રયાન્તિ કાલભૈરવાંઘ્રિસન્નિધિં નરા ધ્રુવમ્ ..
(તે પ્રયાન્તિ કાલભૈરવાંઘ્રિસન્નિધિં ધ્રુવમ્ ..)
.. ઇતિ શ્રીમત્પરમહંસપરિવ્રાજકાચર્યસ્ય
શ્રીગોવિન્દભગવત્પૂજ્યપાદશિષ્યસ્ય
શ્રીમચ્છઙ્કરભગવતઃ કૃતૌ
શ્રી કાલભૈરવાષ્ટકં સમ્પૂર્ણમ્ ..